کرونا وائرس تازہ ترین ملکی و عالمی صورتحال : پاکستان میں مریضوں کی تعداد 53

کرونا وائرس نے جس طرح وبا کی صورت اختیار کر لی ہے ۔ اس سے ترقی یافتہ ممالک بھی بری طرح متاثر ہو رہے ہیں ۔

چین نے حیران کن طور ہر اقدامات کرتے ہوئے اس پر قابو پا لیا ہے ۔ اس میں ان کا مختصر وقت اس وائرس کے علاج کے لیے ایک بڑے ہسپتال کی تعمیر ایک بہت بڑا کارنامہ ہے ۔ 

اس وقت چین میں اس کے صرف 10 ہزار کیسز موجود ہیں جب کہ اٹلی میں 20 ہزار چھ سو اور ایران میں آٹھ ہزار چھ سو ہے ۔ چین میں یہ تعداد مسلسل کم ہو
رہی ہے ۔ جب کہ ان ممالک میں یہ تعداد تیزی سے بڑھ رہی ہے ۔

بازار حسن بھی ویران : کرونا کا خوف

اس وقت دنیا میں 167682 افراد اس وائرس کا شکار ہو چکے ہیں ۔ جن میں سے 6456 کی موت ہو چکی ہے ۔ جب کہ 76598 مکمل طور پر صحت یاب ہو چکے ہیں ۔ 

اس وقت بھی 84 ہزار سے زائد افراد اس کا شکار ہیں ۔ اور یہ تعداد تیزی سے بڑھ رہی ہے ۔ مختلف ممالک اس حوالے سے بچاؤ کے اقدامات کر رہے ہیں ۔
تیسری دنیا کے ممالک میں اگر یہ وبا پھیلتی ہے تو اس کے بہت بھیانک نتائج سامنے آ سکتے ہیں ۔ کیونکہ وہاں علاج معالجے کے حوالے سے کوئی انفراسٹرکچر ہی موجود نہیں ہے ۔ 

پاکستان میں کرونا وائرس کے مریضوں کی تعداد بڑھتے ہوئے 53 ہو گئی ہے ۔ اس وائرس سے اب تک صوبہ سندھ سب سے زیادہ متاثر ہوا ہے جہاں کرونا کے 33 مریض ہیں ۔ 53 میں سے مکمل صحت یاب ہونے والوں کی تعداد صرف 02 ہے ۔لوگوں کو اس حوالے سے آواز اُٹھانی ہو گی اور حکومتوں پر دباؤ ڈالنا پڑے گا کہ وہ اپنی عیاشیوں اور دیگر فضول 
اخراجات کو ترک کر کے ترجیحی بنیادوں پر لوگوں کی زندگیاں بچانے کے لیے اقدامات کریں ۔