کرونا وائرس پاکستان میں صورتحال بے قابو ہونے کا خطرہ

سندھ میں کرونا وائرس کے 41 نئے کیس سامنے آنے کے بعد اب پاکستان میں کرونا سے متاثر ہونے والے مریضوں کی کل تعداد 94 ہو گئی ہے ۔
پاکستان میں بڑھتی ہوئی اس وبا کے بے قابو ہونے کا خطرہ پیدا ہوگیا ہے ۔
کیونکہ حکومت اجتماعات پر پابندی لگا رہی ہے ۔ تعلیمی ادارے بند کیے جا رہے ہیں ۔ اور لوگوں کو گھروں میں رہنے کی 

تلقین کی جا رہی ہے ۔

لیکن وائرس سے بچاؤ کے لیے کوئی ٹھوس اقدامات نہیں کیے جا رہے ۔ ایران سے آنے والے افراد جو بارڈر پر پھنسے ہوئے ہیں ۔ ان کی بھی مختلف ویڈیوز سامنے آ رہی ہیں ۔ کہ انھیں انتہائی غیر صحت مندانہ ماحول میں رکھا جا رہا ہے ۔ اور حکومت کی طرف سے دستانے اور ماسک تک مہیا نہیں کیے جا رہے ۔

عمران خان کا قوم سے خطاب : کرونا وائرس سے نہ گھبرانے کی تلقین

ایران جو کہ پاکستان سے بہتر انفراسٹرکچر کا حامل ملک ہے وہاں 700 سے زائد افراد ہلاک ہو چکے ہیں اور 13 ہزار سے زائد اس وبا کا شکار ہیں ۔  

اگر یہ سلسلہ یونہی چلتا رہا تو پاکستان  میں خانہ جنگی کی صورتحال پیدا ہو جائے گی ۔ کیونکہ لوگوں کی اکثریت پہلے ہی غربت کے ہاتھوں مجبور ہے ۔ ان کے لیے ممکن نہیں کہ گھر بند ہو کر بیٹھ جائیں ۔ کیونکہ اس طرح ان کے بھوک سے مرنے کا خدشہ ہے ۔

ظاہر ہے لوگ کرونا سے ڈر کر بھوک سے مرنے کو ترجیح نہیں دیں گے ۔ معاشی بحران ملک میں جرائم چوری ، اور سٹریٹ کرائم میں شدید اضافے کا باعث بنے گا ۔

یہ خوفناک صورتحال اس بات کا تقاضا کرتی ہے کہ اس وقت منافع خوری ، لالچ اور ہوس اقتدار کو ترک کر کے خالص انسانی بنیادوں پر اس المیے کا مقابلہ کیا 

جائے ۔

کرونا وائرس : پاکستان متاثر ہونے والے بڑے تیس ممالک میں شامل

بظاہر یہی لگ رہا ہے کہ حکومت اور ادارے عالمی اداروں سے کرونا کے نام پر فنڈ لے کر اس کی بندر بانٹ کرنا چاہتے ہیں ۔ اور اس سے عوام کو کوئی فائدہ نہیں ہو گا ۔ بلکہ عوام کی اکثریت ایک بہت بڑے المیے کا شکار ہونے والی ہے ۔

اس صورتحال میں عوام اور عوامی مفادات کا تحفظ کرنے والی قوتوں کا فرض ہے کہ وہ اس صورتحال میں حکومت پر دباؤ

                                                                                .بڑھاتے ہوئے انھیں مجبور کیا جائے کہ وہ راست اقدامات کریں